Express Entry - إكسبريس انتري

Express Entry - إكسبريس انتري 

يوجد ثلاث انواع من الهجرة لكندا (اكسبريس انتري – هجرة المقاطعات – هجرة كيبيك ) ونتكلم هنا علي أشهرهم وهو الاكسبريس انتري

 سؤال / هل ينفع أهاجر ل كندا ؟ 

تعرف انك مؤهل او لأ عن طريق حساب مجموعه نقاط مجموعهم كلهم 100 نقطة – حضرتك لازم تجيب 67 نقطة عشان تكون مؤهل للتقديم - والنقاط دي متوزعه علي 6 عوامل هما – مهارتك اللغوية + الشهادة الدراسية + الخبرة + العمر + عرض العمل + التكيف في كندا( وجود اقارب او فرصة عمل او دراسة سابقة في كندا ليك لو لزوجتك )

1- المهارة اللغوية 

2-التعليم 

3- الخبرة 

4- العمر 

5- وجود عقد عمل بكندا 

6- التكيف في كندا 

وتقدر تحسب النقاط من هذا الرابط
http://www.cic.gc.ca/en…/immigrate/skilled/apply-factors.asp

 سؤال / كيف احسب درجة اللغة وانا لسه ما دخلت الامتحان

توقع درجتك بناء علي مستواك وتقدر تعرف تقييم لمستوي اللغة من هنا
https://goo.gl/htdcSD

سؤال / انا لقيت نفسي مؤهل ابتدي ازاي الخطوات واعمل ايه 

 اول حاجه تعملها انك تقيم المؤهل الدراسي ( ليك انت وزوجتك – في حالة الاكسبريس انتري ) عن طريق الموقع دا
لكل الخريجين
http://www.wes.org/
أما الأطباء والصيادلة فلازم يعملوا التقييم ده من جهات معينة ودي اللينكات بتاعتها
الأطباء :
http://mcc.ca/repository/educational-credential-assessment/
الصيادلة :
http://www.pebc.ca/…/3074/la_id/1/print/true/art_id/3116.htm
وممكن تعرف طريقة التقديم من الرابط
https://goo.gl/qe5DVq

ثاني حاجه هتعملها هي انك اتمحن ايلتس 

 ايه الايلتس دا كمان : دا امتحان لغه بيتعمل في البريتش كاونسل وله فروع في كل الدول والمدن وتقدر تحجز الامتحان من الرابط دا : 
https://www.britishcouncil.org/
اختار بلدك ومكان وموعد الامتحان
وممكن تمتحن ايلتس في اي دي بي لو مش عاوز تمتحن في البريتش كاونسل ودا الموقع بتاعهم
http://idpielts.me/IELTS-Test-…/idp-ielts-cairo-test-centre/

طيب اذاكر المنهج ازاي : الامتحان ما لوش منهج محدد ولكن بيقيس مهارة استخدامك للغه – والامتحان له نظام معين معروف وممكن تدخل علي الرابط دا هتلاقي فيه ماتريال كتير ممكن تذاكر منها
https://goo.gl/wlKm7h
ادخل علي ملفات في الجروب هتلاقي ماتريال كويسة جدا لمذاكرة الايلتس - من هنا
https://www.facebook.com/groups/1571889619782114/files/

وهنزل ان شاء الله مواضيع علي المدونة هنتكلم عن مذاكرة الايلتس 

بعد كده تحضر شهادة الخبرة وليها مواصفات معينه 

وهنزل ان شاء الله مواضيع علي المدونة هنتكلم عن شهادة الخبرة 

 طيب لو عملت الحاجتين(تقييم الشهادة + نتيجة الايلتس ) دول ساعتها انت تقدر تقدم على الهجرة من خلال انك تعمل بروفايل على نظام الأكسبريس انتري.. وده نظام الكتروني .. مش محتاج علشان تفتح البروفايل غير ان يبقى معاك تقرير ECA بتاع تقييم الشهادات.. وشهادة الأيلتس .. دول بتدخل أرقامهم.. وبتدخل بياناتك كاملة على السيستم.. بعد ما تخلص ادخالها انت كده بقيت فيما يسمى Express Entry Pool يعني المكان اللي فيه كل المتقدمين اللي زيك واللي هيتم الاختيار من بينهم.. 

الاختيار بقى بيتم ازاي؟ من خلال ترتيب المتقدمين كلهم عن طريق نظام تقييم تاني اسمه CRS.. وده من 1200 ومالوش حد أدنى .. كل فترة (حوالي أسبوعين) بيعملوا سحب Draw بيختاروا فيه أحسن ناس في الPool بناء على نقاطهم ويبعتولهم ما يسمى Invitation to Apply.. أقل سكور وصلوا له لحد دلوقتي تقريبا 470 .. 
طيب خلونا بقى ننكلم عن نظام التقييم ده أبو 1200 .. ال1200 دول متقسمين جزئين .. الجزء الأول من 600 ودول على عوامل زي اللي اتكلمنا عنها فوق (السن والخبرة والتعليم واللغات) مع اختلاف نظام النقط كليا.. والجزء التاني من 600 برضه ودول بتحصل عليهم في حالة من اتنين: انك تحصل على عرض عمل أو ترشيح من مقاطعة 
اللينك ده بيشرح توزيعة النقاط بتاعة CRS بالتفصيل:
http://www.cic.gc.ca/english/express-entry/grid-crs.asp 

 المشكلة في النظام ده ان أي حد ما عندوش خبرة كندية، أو مستوى خارق في اللغات والتعليم والعوامل الأخرى صعب يجيب سكور قوي يؤهله أنه يتم اختياره.. زي ما قلت أقل سكور وصلوا له 450 .. لو حسبت نقاطك (بفرض انك عملت تقييم الشهادة و الأيلتس) لو انت انسان عادي هتلاقي ان نقاطك بتترواح من 300 ل 400 في أحسن الأحوال .. طبعا فيه ناس بتوصل ل450 وأكتر بس صعب جدا.. طب ايه الحل؟ الحل انك تشوف حاجة من اللي بتدي 600 نقطة .. اللي هم عرض العمل أو ترشيح المقاطعة .. عرض العمل صعب جدا يكاد يكون مستحيل خاصة لمن هو خارج كندا.. أما ترشيح المقاطعة فهو ممكن..
طيب ازاي نحصل على ترشيح مقاطعة؟ 
 برامج المقاطعات كتيرة جدا وشروطها مختلفة.. ومواعيد فتحها والتقديم فيها كمان مختلفة.. ممكن أقول لك على برنامج معين تيجي تشوفه تلاقي شروطه مش منطبقة عليك أو تلاقيه قفل.. فالموضوع ده مالوش غير حل واحد .. انك تتابع مواقع الهجرة بتاعة المقاطعات بشكل منتظم وأول ما تلاقي برنامج فاتح وبتنطبق شروطه عليك تقدم فيه..
ودي مواقع المقاطعات 
http://www.cic.gc.ca/english/immigrate/provincial/apply-who.asp 

ودا فيديو بيوضح تعمل ايه بعد ما تفتح ملف الاكسبريس انتري 
https://goo.gl/BgiBTC
طيب المصاريف تقريبا اد ايه 
المصاريف: 
المصاريف هنتكلم عليها في موضوع لوحدة 

ملاحظات هامة وعامة:
 كشف الحساب اللي انت بتقدمه لاثبات ان معاك فلوس وتقدر تعرف المبلغ علي حسب عدد افراد الاسرة من الرابط 
http://www.cic.gc.ca/english/immigrate/skilled/funds.asp

 الموضوع ممكن يبقى شكله صعب وطويل ومكلف وهو فعلا كده ومحتاج معافرة وصبر ونفس طويل.. بس لو انت عاوز والموضوع في دماغك ونفسك طويل وصبور ومقتنع بموضوع الهجرة صدقني هتوصل في الأخر بإذن الله مهما الموضوع طول
المنتدي ده رائع لأي حد بيبحث في موضوع الهجرة
http://www.almatareed.org/vb/#.WIDQ6vlEmM8
 تقييم الشهادة المذكور هنا ده مجرد اجراء خاص بالهجرة.. ليس له علاقة بالمعادلة أو بمعنى أصح الترخيص اللي بيحتاجه أصحاب بعض المهن للعمل في كندا.. دي قصة تانية خالص
 قبول الهجرة مش معناه ان الحكومة هتوفر لك سكن أو شغل ولا هتصرف عليك لما تروح.. هي هتساعدك بطرق كتيرة انك تنجح بس نجاحك هناك محتاج تعب ومجهود تاني كبير برضه ولازم تبقى فاهم كده كويس عشان ما تتصدمش..

بالنسبة للمعادلة اعمل بحث في الجروب علي اسم المعادلة بتاعتك هتلاقي مواضيع تقريبا علي كل المعادلات
 لازم تقرا كتير أوي عن الهجرة وعن البلد اللي انت اخترتها عشان تتأكد ان قرار الهجرة مناسب ليك.. القرار ده مافيهوش صح وغلط.. فيه مناسب ليك ولظروفك ولا لأ.. وانت اللي بتحدد ده من خلال طريقة تفكيرك وتقييمك للأمور